東網電視
更多新聞短片諸葛紫岐（Marie）去年成立娛樂公司，簽了前亞洲小姐呂晶晶與珠寶小姐莊端兒成為旗下藝人，她坦言新一年計劃多多，除了主攻內地外，還會開拓東南亞巿場：「電影、電視劇同網站都陸續進行緊。（自己演出？）有啱嘅角色可能會客串，主角留啲機會畀其他人。」她又大讚呂晶晶及莊端兒有潛質：「佢哋兩個嘅路線好唔同，晶晶較鄰家女孩，端兒就身材好，行型格路線，但又可以好性感同打女Feel。」Marie將心思放在工作上，問到老公薛嘉麟有否詐型，她說：「佢仲忙過我，我哋依家係搏殺期。（唔怕影響感情？）大家都希望做嘢做得好，如果真係有嘢發生，你都避免唔到。」而近年主攻內地的呂晶晶希望感情快些有着落：「希望兩年內嫁得出，我好着重家庭，可以為家庭放棄事業。」至於莊端兒則裝備自己進軍內地，還報讀普通話及演戲課程，問到拍戲會否行性感路線，她說：「可以性感，但唔想做肉旦！」
諸葛紫岐（中）大讚晶晶（右）及端兒的個性各有特色，可塑性高！
向來重視家庭的晶晶希望兩年內嫁得出。
