安仔自認係家中「重中之重」，但睇落又唔係好肥啫！
昨日的賀年盃活動上，擔任嘉賓的許志安獻唱經典情歌，問到初三便開工，他說：「我由年三十開始不停放縱自己，尋日同屋企人食開年飯，佢哋問全屋邊個最肥，拎個磅出嚟，結果原來係我最肥最重！我賴係我骨重，將啲銀包鎖匙乜都拎晒出嚟再磅過，依然都係我最重，所以我決定要減肥，即刻由尋晚就開始地獄式減肥，收爐唔食嘢，將最肥身形變番最Fit！我好有信心同毅力，屋企周圍都有蘿蔔糕，數過仲有十八底糕，尋晚就送晒畀屋企人！其實我已經食咗四底，可能就係呢幾日出事。」
他又透露今年沒有跟家人打麻雀：「以前有陪爹哋媽咪打，等佢哋開心，依家費事贏阿哥阿嫂錢。今年最大娛樂係12點幾偷偷出去睇戲，已經廿幾年冇出去睇戲。（睇邊套？）睇啲浪漫溫馨嘅，梗係睇《衝上雲霄》啦！」
