演員王宗堯坦言過去的2014是豐收一年，而近年拍攝的電影中，大都離不開與女星肉搏和激情等，先與前女友陳靜的大膽床戲，在新片《壹獄壹世界》中，又與林芊妤重演「殘廁事件」，笑言不怕被定型做「三級男星」：「係有少少定型，但都有優勢，一有大膽啲嘅戲大家都會諗到我，其實依家三級片嘅界線模糊，唔止低俗，有啲係意識上大膽、有粗口、食煙嘅情節都可能定做三級片，我其實唔介意！」

王宗堯不怕被定型做「三級男星」。

而在《壹》片中有裸跑戲的他笑言是其「性感」底線，又認真地表示希望挑戰男同志的角色，認為不論在造型、演繹上都與過去拍攝的電影大不同。問到有沒有信心奪獎？他說：「以前就會定個目標，幾多歲之前要攞咩獎，有獎固然開心，依家好多攞影帝嘅男演員，年紀都有啲增長，反而依家會訂立一啲小目標去完成，就好似想挑戰男同志角色咁。」問到拍過不少激情戲，可會擔心將來的另一半介意？他說：「唔會，依家個底都花咗啦！如果佢識我第一日就知我係演員，而唔體諒我願意喺工作上有突破，我諗唔會成為女朋友！」

髮型：King@private-i

化妝：Aster Phang

場地：大洋軒