車車閉目誠心許願，不知是求姻緣抑或事業呢？
藝人車車（張紫櫻）果然是台灣旅遊達人，今年第一個Trip目的地當然又是台灣！她說：「今次係同屋企人一齊去，去咗幾米廣場參觀，又去咗睇羊駝，計埋今次，我已經第三次睇羊駝，再踏足呢間Cafe，再探番呢個老友記（羊駝），佢雖然仍然好可愛，但發覺佢已經變咗喇，唔只愛上咗食廁紙，仲變得好有脾氣，以前影相佢會好乖好配合，依家會好有性格，要睇心情！下次再嚟睇吓佢想唔想同我影張四正望鏡合照啦！」
車車台灣之旅除大快朵頤外，又再去探羊駝。
車車此行又將足迹再開展：「今次有朋友又帶咗我去一個叫板橋嘅地方，對香港朋友嚟講，可能陌生咗少少、遠咗少少，但嗰度有個畀人許願嘅地方，你要用銀仔掟中個銅鑼，先能夠許願，有啲難度，又去咗食台灣Fusion菜，裝修OK同埋食物價錢都唔貴，又見識到啲檳榔西施，佢哋嘅衣着真係好性感，整體嚟講都算係豐盛之旅，台灣真係一個好地方，月內會再去！」
