「疑胸」趙哲妤岩石撼珏球

娛樂圈昨日響起暴「乳」警告，前中國小姐趙哲妤（Uny）與無綫咪神梁政珏分別胸降活動晒「胸」器！33C的Uny穿上婚紗上圍突然升Cup，竟谷出「岩石胸」，惹起「僭建」疑雲！而梁政珏則自爆上圍爆升，D Cup Big爆身材Big到連低胸裙拉鏈都拉唔到，要臨時換裙。

甫踏入春天，女星已急不及待掀起「胸」戰鬥性感！2010年中國小姐香港區冠軍趙哲妤昨日性感出擊，為網站拍攝婚紗廣告，雖然同場還有身材索爆的名模Rosemary及莊思敏，但「峰」頭都被她蓋過。穿上超Deep V婚紗的Uny盡地一谷，原本33C的上圍突然升幾Cup，谷出一對「岩石胸」，雙峰大得誇張，極之澎湃，惹起「僭建」疑雲，不過她卻不慎露出「缽仔糕」，大殺「峰」景！她表示性感婚紗是大會提供，強調谷盡事業線不是為了凸圍博出位：「我露極都冇乜嘢睇，其實莊思敏身材都好好，有同佢講叫佢着呢套婚紗。依家我心跳得好快，怕走光，自己第日結婚都唔會着到咁性感。」

突然升Cup即惹來「僭建」疑雲，Uny昨日透過電話否認，解釋因用了「神奇缽仔糕」才有如此逼爆效果︰「唔係！我唔抗拒隆胸但冇膽，如果隆就再勁啲啦！今次係用『缽仔糕』Push Up，平時我平胸都得，之前出活動都係用兩個『缽仔糕』，但今次就用咗一個。」其後更把平日的平胸照發給記者作證。

銀彈利誘隆胸

其後Uny自爆早前曾拒絕內地整容公司的銀彈利誘，她說︰「之前有內地整容公司搵我做代言人，酬勞高達6位數字，仲話贊助我隆胸，但我拒絕咗。」雖然Uny指不知入行後上圍有否升Cup，但強調豐滿上圍全因得到母親遺傳，她說︰「我媽咪話生完BB勁過36D，我生完應該都可以，而且自己鍾意小朋友，生BB要餵人奶，所以唔會亂嚟，男仔都唔鍾意假嘢啦！」

另一邊廂的咪神梁政珏隔空發射D Cup導彈肉搏Uny！繼前晚在微博放上出浴照及谷胸長裙照後，昨日梁政珏到大埔超級城出席《新地百萬古扇珍藏展》時性感上陣，驕人上圍呼之「肉」出，一彎身即搶盡「峰」頭，漏奶當場。

梁政珏透露早前與家人從日本旅遊返港，發福不少連上圍都升Cup，令原定穿上的性感戰衣拉不上拉鏈要臨時更換。提到早前被拍得與鬍鬚男親密行街，她說︰「我仲係單身，佢係我好朋友嘅朋友，大家農曆年年頭識，佢好Nice，如發展新戀情要慢慢了解。」她又解釋因當日穿高踭鞋加上路不平，對方有紳士風度扶她而非攬實，更表示未了解對方背景，不便回認對方是否「牛奶大王」。另外，網友指她上載拉鏈及試裙的照片，從鏡中見到有個男士的身影，認為是有男士代她拍照。