SUN熱辣：（目及）一秒已可控遊蕩罪

港鐵「走光位」處處，但專門到走光黑點，窺視別人裙下春光，隨時會淪為階下囚。執業大律師陸偉雄表示，偷窺屬於嚴重罪行，不論用手機、相機、攝錄機，或只是目視，都有可能被判入獄，呼籲市民切勿以身試法。

最高判監兩年

「去港鐵應該係去搭車，但走咗去（目及）嘢，即使只係一秒，都屬不當行為，同時令到其他人安危受到威脅，已構成遊蕩罪。」陸偉雄更說：「雖然香港無偷窺罪，但偷窺嘅人，有機會被控以遊蕩罪、公眾地方行為不檢，最高刑罰大約一年至兩年。」

至於刑罰輕重，會因應偷窺對象、地方、次數、手法以及有否使用器材等作考慮因素，「如果用眼睇，多數控以遊蕩罪，用鏡或拍攝工具就多數以公眾地方行為不檢或有違公德罪檢控。」另外，如果對象是學生或者未成年人士、偷窺次數眾多，並將過程錄製成短片，鑑於情況嚴重，刑罰亦會較重。