巧合！同冧巴兩車互撼
巧合！同冧巴兩車互撼
【本報訊】一宗極巧合車禍。兩輛除英文字母不同，數字皆「9682」的七人車和貨車。昨晨七時許，七人車由姓張司機駕駛，沿大埔公路快線往九龍，至大圍新村對開彎位時，疑天雨路滑跣胎，失控打「白鴿轉」，復剷往慢線，車頭掉轉。
期間，慢線一輛貨車駛至，與七人車迎頭相撞，七人車餘勢未了，衝上行人路，撞冧路牌及燈柱，再撼向天橋石壆，張的頭部及手臂受傷送院治理；貨車姓吳司機無恙，吳望到對車車牌時不禁驚嘆：「唔係真係咁『蹺』啩？」
車牌數字相同的七人車及貨車，相撞後停在現場。
