股票市場惡浪滔天，內地政府暴力救市，百招齊出，早排仲下旨中資企業「起來」，把血肉築成「撐市」嘅長城。呢個決定原來影響唔少人，當中包括上市公司嘅管理層，有啲中小管理層仲分分鐘要貼錢打工啊。
中興通訊最近出通告，話佢哋嘅十一名管理層拎咗一百七十萬元人仔出嚟增持股份，照呢個公布去平均攤分，即等於每個管理層要大拿拿出咗十五萬人仔嚟接貨，如果計番佢哋嘅人工，等於部分接旨管理層成三個月嘅人工！
睇番佢哋公司舊年嘅年報，有兩位管理層舊年年薪介乎六十三至七十二萬，即平均月薪五萬幾人仔，所以今次阿爺一個Order，佢哋要拎三個月人工去買股，等於嗰幾個月要食老本，而且佢哋買入嘅股份半年內冇得減持，呢班管理層真係少啲彈藥都唔掂。
第一手消息請下載on.cc東網
