柳青幫仍未上市嘅滴滴完成咗一筆七億美元嘅融資，顯示實力。（資料圖片）
「富二代」經常都畀人認為佢哋嘅成功全靠家族嘅支持，先可以喺商業社會暢通無阻咁發展，個人實力都係次要。不過聯想集團太子女柳青就以行動嚟打破呢種誤解，佢啱啱由內地著名嘅打車App滴滴打車嘅首席營運官（COO）晉升為公司總裁，即係CEO，將全面負責公司日常業務運作。
其實柳青原本係高盛亞太區總經理，上年七月先正式加入滴滴做COO，喺短短半年間，唔單止成功喺滴滴站穩陣腳，帶領公司喺管理同實務上都更上一層樓，更重要嘅係佢幫助仍未上市嘅滴滴完成咗一筆高達七億美元嘅融資，有咁強嘅實力，難怪公司急不及待升佢做CEO，等佢可以更全面咁發展公司業務，早日實現上市目標。
相信嚟緊有好多人都會密切留意住呢位新任CEO嘅表現，睇吓佢會唔會再帶驚喜畀大家，做個打破傳統嘅「富二代」。
第一手消息請下載on.cc東網
