SUN世代：一生「鐘」情結良緣
蘇漫瑩注定與鐘錶結緣，另一半也離不開鐘錶界，丈夫亦是鐘錶行的掌舵人，「不過我哋兩個唔係因為鐘錶而認識。」但二人背景相似，志趣相投。○七年，他們終開花結果，踏入人生另一階段。幸得丈夫在身邊默默支持，令蘇漫瑩能全情投入家族鐘錶事業，縱然遇上難關或危機，仍然能夠逐一克服。「平日我哋都會講吓鐘錶，互相交流吓。」
除擔任公司業務發展經理外，蘇漫瑩還有另一身份，就是母親。她擁有一對可愛的子女，大女兒今年四歲，細仔八個月大。她笑言，湊仔比上班更辛苦，「前排個女喺公園玩嘅時候，唔小心整親，擔心死我﹗」
現時，她每天早上六時多，便會起床，準備送子女上學，然後返公司工作，生活雖變得更忙碌，但比以前更快樂，「見住佢哋學行路、學講嘢，係一件好幸福、好開心嘅事﹗」
