政壇：政商定格：洪綺敏爛Gag避談入政府
做過電視台主播，又幫過梁振英競選特首嘅洪綺敏，已經過檔擔任香港中國商會副總幹事兩個多月。佢話返新工後瘦咗，係因為以前做競選工作時要到凌晨先至食晚飯，所以好容易肥，但依家唔使成日食消夜，身材自然FIT啦！
有記者就問佢瘦咗幾多磅，褲頭係咪鬆好多？點知佢話自己向來唔着褲嘅，當堂嚇親在場記者。好彩佢即時補多句，話自己着裙o架嘛！又有人問佢會唔會加入政府，再次同CY合作？佢就笑笑口話，唔答呢個問題喎。
洪綺敏做完特首選舉工程後反而瘦咗，皆因少咗食消夜。