梁振英：迎難而上服務市民

【記者關寶恕、王國基】由特首梁振英領導的第四屆特區政府，今日上任剛滿九十日，至今面對的棘手問題可謂一浪接一浪，國民教育爭議未解，新界東北發展風波又一觸即發，有評論指是與有利益集團及港英餘孽於背後興風作浪，圖謀攪亂香港和鬥垮梁振英有關。梁振英接受東方報業集團獨家專訪時，未有否認有關論述，僅稱：「我唔知係咪有利益集團，有冇人搞事，咩人搞事。」但他強調不論情況如何，他與其問責團隊都會抱住為整體市民服務、為香港長遠利益的原則去做事。

新政府上任近三月來不斷面對嚴峻挑戰，民望及市民信任度持續下滑。梁振英在專訪中，坦言政府施政仍有改善空間，「有一啲意念有責任解釋清楚」，但他同時指香港社會「愈來愈複雜」，市民訴求日趨多元，例如在新界東北發展爭議，有人以保育理由反對，有人為了維持原有生活方式，亦有人為了「經濟利益」，與以往「大家可以互諒互讓解決」的情況不同，令政府有理說不清。

管治團隊非常團結

梁振英早前指國民教育「撤與唔撤之間，仍有好多討論空間」，成了近日城中「金句」，有反對者更批評這是「語言偽術」。梁振英強調有關說法並非玩弄文字，認為當反國教的群眾運動，被「濃縮」至兩個字的「撤回」或一個字的「撤」時，作為動員口號「或者好有效」，「但對解決呢件事，到底代表咩嘢？似乎反對國教的人都講唔清楚。」「係咪要立法會去通過一條法例，禁止學校去教某種科目呢？因為政府從來唔做呢啲嘢。」

對於自己的問責團隊成員以「焗桑拿」及「度日如年」形容過去兩個多月的生涯，梁振英直言，他在競選時已將「迎難而上」掛在口邊，上任以來面對的種種困難，在「競選期間受到各方面的壓力已可以睇到」，有充分心理與實質準備，最慶幸一班管治團隊非常團結，令他深受感動，其團隊的一名前朝高官，「都話今次我哋第四屆班子嘅團隊精神係比較好」。

架構重組受阻，梁班子在未齊班下，上任短短半個月即極速公布五項惠民措施。梁振英亦驚嘆：「一個政府可喺十五日內做到呢啲事，其實係一個紀錄！」他透露其團隊於五項惠民措施公布前一日，仍在開會統籌協調，他到晚上才開始準備翌日講稿，各項措施終可於十六日內出台，歸功於整個問責班子及全體公務員合作無間，「若果唔係我不可能喺七月十六號，上任之後十六日喺立法會宣布個五項新政策措施。」

「極速十六日」的經歷，為梁班子打下一支「強心針」，之後即使有發展局局長麥齊光「中箭」離隊，新政策依舊「成熟一項推一項」，問及未來還有何新政？梁振英說：「如果大家想知仲有咩會做，揸住本政綱就得！」強調他的競選政策是一份「執政政綱」，他與新班子會「矢志不渝，揸住本政綱嚟做人」。

對於反對者針對性圍攻其團隊中多名「新丁」，梁振英形容不論是新人或舊人，整體表現都已相當好，希望社會多給予空間讓他們投入角色：「你喺外面無論係幾出色既專業人士，或者係行政人才，或者係某方面嘅專家，入到嚟呢個角色轉換，係需要一段時間，我哋畢竟只係過咗兩、三個月。」這位深受團隊「感動」的上司昨更自爆，自己會日夜長開電話，為其問責團隊提供支援：「我都同大家講過，無論碰到乜嘢問題，公事上又好，個人又好，無論係朝早幾早或者晚上幾夜，我個手提電話都開住，等大家打到畀我。」

梁振英專訪精句

利益集團：無論係有冇人搞事，咩人搞事，我團隊都係抱住為整體市民服務、為香港長遠整體利益去做事。

中港矛盾：香港同內地發展落去有一個最優點（optimal point），即係話有啲嘢過咗呢一點，就會出現一啲負面嘅影響。譬如遊客數字係一個例子，我哋一方面要招攬內地人客，去使用我哋嘅各種各樣服務，但人數超出optimal point嘅時候，我哋要去處理。

國教風波：國教係一個例子，說明反對政府某一個政策，便將訴求濃縮到一個字或者兩個字，兩個字就「撤回」，一個字就係「撤」，但到底撤回代表啲咩呢？「撤」呢個字作為口號，或者動員民眾手法或者好有效，但對解決呢件事到底代表乜嘢，似乎反對國教嘅人都講唔清楚。

揸住政綱：如果大家想知（政府）仲有乜會做，揸住本（競選）政綱就得，我哋就係此志不渝o架喇，揸住本政綱嚟做人。

繼續落區：我同我班子同事講，「知」呢個字好重要，因為中國人有句說話批評官員或皇帝，「不知民間疾苦」，你首先要知，如果你唔知嘅話，一定唔會有辦法解決問題，「何不食肉糜」，關鍵亦都係個「知」字。

行政立法關係：依家連飯都唔肯（同我）食嘅人（議員），過去請過我食飯我都去過。