SUN微博：網絡小說： 我在大檸樂射了出來 三之二

娜娜是肥熊在剛進大學時在Ocamp認識的，那年頭大家都是青澀的新鮮番薯人，恰巧被編到同一個大組，不算投契但有時還能有一句沒一句地講講組爸媽是非，笑笑大組長的染頭。然而，所有故事發生之前都已經有故事，當他選擇了計量金融，而娜娜選擇的是藝術，便注定有緣無分。

而在獲得大檸樂救贖之前的故事是，肥熊伏在桌上數呎厚的文件上用電腦算數，有些是新數、有些是舊數，但都算到有點眼花，於是呷一口Americano提神，別過頭卻看到公司的告示寫着：「各位同事注意，我們上班的時間是七點，不是八點，也不是九點。」（原文理所當然是洋文）頓時有股無名怒火升起。他想起在滙豐樓下搞社運的同學說過：「給你一支槍，你可以打劫銀行；給你一間銀行，你可以打劫全世界。」果然沒有錯，就算你連你勤力過日本著名女影星遙希，放工時間也可公然彈票，兼夾厚顏地叫你準時返工。

終於做完手頭上的報表已是十點。心想明天放假該做甚麼？苦思一回，又想起她，於是打電話給舊同學Ricky。

「假使你也方便　選一周最後那天

不想與我糾纏　也懇請撐到那天

Woo……因今天恐怕要工作到特別夜沒法見

想哭兩秒都怕要到深宵三點　才能抽空心酸……」

接駁鈴聲突然終結，肥熊急不及待地說：「喂？Ricky？肥熊呀！聽日有無咩做？不如約埋呀雙失、繼聰、泰仔同埋娜娜出來gathering下啦！」

電話那頭的Ricky狗笑幾聲，答道：「你動機太明顯喇啩？我知你有啲嘢嘅！」

肥熊心諗Ricky呢條友勁奸，廢時同佢糾纏，「你唔好思歪諗邪喇，我哋聽晚尖地恒等。拜……」快刀斬亂麻。

「喂喂喂，你真唔知定假唔知呀？」Ricky收起狗笑，「娜娜畀毒L小文食咗喇，去咗墨西哥旅行喇。喂喂喂？聽唔聽到呀你……」

「食咗？」肥熊霎時呆了。「咩叫食咗？即係點？即係……即係娜娜，只係一碗美心瀨粉咁樣？」

「節哀喇……」Ricky強抑恥笑欲。

「點解我得唔到佢歡心？點解佢唔向我交出歡心？！」肥熊終於明白了，對電話大叫。

「咩話？咩交？咩歡呀？交咩歡話？喂喂喂……」

肥熊不發一言地收了線。世界像突然披上一襲灰色。

（待續）