政壇：兩個特首夫人齊封口

    • 候任特首CY梁振英同貪曾今日將雙雙赴京出席回歸十五周年成就展，佢哋嘅老婆尋日亦喺一個慈善活動上碰頭。不過，兩位阿太尋日都冇乜交流，會後只係循例握吓手寒暄兩句，咁又係嘅，齋睇衣着都知佢哋走唔同路線啦，唯一相同嘅可能係，佢哋對於自己老公嘅負面新聞都係封口唔講。

    曾太鮑笑薇可能自知背負貪曾太太名銜，尋日衣着繼續穩打穩紮，以一身平實啡色套裝上陣，沉實得嚟又帶一絲卸任嘅黯然，曾太頒感謝狀畀屆滿董事媽打李麗娟嘅時候，仲忍唔住同媽打來了個擁抱，好似好唔捨得咁。

    至於即將上場嘅CY太太梁唐青儀就着得好隆重，以一件黑色長衫加條白色披肩。

    第一手消息請下載on.cc東方互動iPhone/iPad/Android/Windows Phone Apps

    搵樓18即睇最新樓價走勢、最全面地產新聞及筍盤情報

    梁振英太太唐青儀着得好隆重出席慈善機構周年大會。

    曾鮑笑薇（左）頒感謝狀時同李麗娟來個擁抱。