政壇：Sun人論壇：動議先拉後查大貪曾
看到審計署揭發香港第一大貪狗曾蔭權嘅醜行，可以如此猖獗無恥時，真係火都嚟埋，唔單止香港人畀佢影衰晒，全球華人都冇面呀！佢仲仆街過陳水扁呢！
坊間聲音，大嗌要貪曾回水，嘔番外訪豪使嘅公帑出嚟，其實，咁咪好益佢？我就話要先凍結佢全家嘅資產，包括全球海外同佢有關嘅戶口呀、保險箱呀之類嘅財產，再慢慢查佢「財政來源」，點知佢做特首前嘅公職生涯入面，仲有冇其他唔見得光嘅劣行o架！
第二，立即革佢職，並捉佢入冊鎖住佢全家先，不能讓佢哋有機逃脫，飛去冇引渡回港受審嘅地方，或畀機會佢（及家人）離境處理唔見得光嘅財物（當然，有的話）。
現在立刻鎖佢，仲有個更大的意義，係畀全世界睇到任何一個人在有法治嘅地方犯法，都不能有特權包庇，唔好以為仲有三十日就印印腳做大爺，冇人敢郁你，反正，呢個死鏟都跛腳唔做嘢，拉Q佢先啦！最緊要，通佢櫃，畀機會佢知錯！現呼籲全球華人支持我嘅動議，拾回咱們小小面光！謝謝！
貪曾爵士扮死狗
貪曾爵士被全港市民圍插，灰頭土臉咁出嚟扮死狗，竟然連強擠出一滴疑似眼淚也不成，演藝訓練也實在太爛。
這也難怪貪曾爵士哭不出，須知此君喝英國殖民地宗主國嘅奶水長大，正是生娘不及養娘大嘛，礙於九七之後改朝換代，爵士為了養活家中大小錦鯉、為親家弟婦勞心勞力、為老婆可以歎盡海陸空、為曾兄弟架設一條政治高鐵，至不得不臥薪嘗膽，身在中國心在英，如今諗到呢度快要收工返娘家享清福，唔喺公眾面前大笑特笑，已經算好有紳士風度囉。
本欄逢星期日見刊。園地公開，歡迎就時事局勢發表意見。請附上個人資料，電郵至sunmanforum@gmail.com
