政壇：政商定格：青聯賢慧社帶貧家遊海洋公園

    • 香港青聯賢慧社主席Anthea羅詠詩同三十位靚女，早前為返港探親嘅青聯副主席Gigi彭芷君餞行，Gigi話日內就會再返港力撐「青聯賢慧愛家日」活動，同一千五百名低收入兒童同家長暢遊海洋公園。

    Anthea當晚多謝好姊妹Bella羅頌宜居中牽線，令賢慧社獲海洋公園贊助特價門票，畀佢哋免費招待低收入家庭兒童去暢遊。

    青聯旗下香港國學中心主席、青聯前主席許華傑嘅太太戴夢瑩就話，嚟緊復活節將開設工作坊，請北京名師王悅來港傳授中國文化同智慧。講起請國學大師來港授課，佢就好勞氣，事關入境處堅持要提供名師嘅證書或資歷至可以入境，但係國學造詣並冇認證系統，官員嘅要求實在偏離現實，令好多國學大師無法來港，認真激氣。

    第一手消息請下載on.cc東方互動iPhone/iPad/Android/Windows Phone Apps

    搵樓18即睇最新樓價走勢、最全面地產新聞及筍盤情報

    青聯主席葉振都（左三）力撐賢慧社女將。左起：羅頌宜、費詠詩；右起：周沁、羅詠詩及彭芷君。

    戴夢瑩（右）將邀請北京名師王悅來港傳授中國文化及智慧。左為蔡敏思。