政壇：政商定格：何兆煒聞返醫管局擰頭
醫管局前行政總裁何兆煒，二月初過檔聖保祿醫院做院長後，愈忙愈開心，日前喺一個晚宴見佢笑容多咗又風騷咗，又難得重遇一班醫學界好朋友，全程雞啄唔斷。何兆煒話份院長新工做得好開心，好有滿足感，近日更忙於搞醫院重建工程。
何兆煒係醫院管理局前行政總裁，喺○五年因為沙士一役離開，咁啱呢個職位到年底就屆滿，若有機會，唔知佢有冇意思重返醫管局呢？佢隨即耍手擰頭，又話冇人搵過佢喎。
何兆煒話院長份工做得好開心，好有滿足感。