政壇：CY助選班底陸續曝光
疑似特首候選人CY梁振英同唐唐快將正式宣布參選，大決鬥在即，CY嘅競選班底據聞已埋班得七七八八，除咗立法會會計界議員陳茂波、市區重建局主席張震遠兩隻鐵腳已表態外，仲有港區全國人大代表羅范椒芬、前立法會建築、測量及都市規劃界議員劉炳章等，連一向為民請命嘅全國政協委員劉夢熊都會拉隊為CY宣布參選站台。
據梁營中人透露，多名前高官將會幫手出謀獻策，例如前衞生福利局副局長何永謙、前房屋署副署長鄔滿海等。近日更有傳前投資推廣署署長盧維思嘅公關顧問太太黃麗君（Fanny）亦曾同梁營開會。CY尋日先後出席旅遊界同醫學界嘅論壇，唐唐尋日則冇公開活動。
劉夢熊會拉隊為CY宣布參選站台。
CY（中）同陳茂波（左）及劉炳章（右）十年前喺專業聯盟已合作。