Sun世代：足球發燒友最愛利物浦

鐘錶以外，足球是劉燊濤與父親、弟弟之間的共同話題。「Daddy踢過業餘足球隊，我同細佬細細個仲未識行，佢已經教我哋學頂頭槌！」每逢假期有足球賽事，三父子更會一齊觀看。因踢足球關係，公司旗下一款名為「澎馬」的運動錶，曾經贊助本港其中一支職業足球隊，亦即「澎馬流浪」。

雖是足球發燒友，在英國讀書期間，Gary卻無緣現場觀賞球賽。大學在英國讀書，同市的球隊是李斯特城，「入場費都要五十英鎊！」他最喜愛的球隊則是利物浦，「最遺憾係始終無去利物浦主場參觀過，惟有寄望明年到英國公幹時，睇吓有冇時間過去睇一睇。」

乜球都啱 最叻游水

父親自小鼓勵Gary兩兄弟勤做運動，足球、籃球、排球、游水、乒乓球、羽毛球、高爾夫球都有涉獵，「我游水最叻，高爾夫球差唔多打咗廿年。」最近他鍾情跑步，「出完一身汗之後，壓力全消。」