政情：張子欣年薪冠A股公司
內地金融機構二○一○年度嘅年報已經出晒，按統計，喺Ａ股上市公司當中，年薪最高嘅係中國平安執行董事張子欣（圖），年薪高逾一千零六十七萬人仔（稅前），亦係唯一身價喺千萬人仔以上嘅高管。排第二位嘅係中國平安董事長兼首席執行官馬明哲，剛卸任嘅廣發證券董事長王志偉就排第三位。
有高位當然有低位，喺公司領取薪金最「寒酸」嘅要數如意集團董事長秦兆平，僅有董事津貼二千五百人仔，兩者差距超過四千倍。
喺公司畀高管薪酬嘅總額數嚟睇，廣發證券成為「新貴」，以逾七千二百零九萬人仔列榜首，民生銀行同中國平安則緊隨其後。喺榜尾嘅係雲鋁股份，僅向班獨立董事發放咗二萬五千人仔。
