政情：謝湧海夠勇照食魚生

    • 中銀國際個客戶服務中心尋日開幕，見到老細副執行總裁謝湧海，問起香港爆發「盲搶鹽」，佢話啲人搶鹽傻，未抗輻射先搞到自己腎有事，仲話自己前晚至食完魚生。

    點解咁勇？佢話香港好多魚都唔係日本嚟，仲好保險咁問埋師傅啲魚喺邊度嚟，聽到係挪威即刻放心食。佢仲話好耐之前已經去過重災區仙台，話嗰度海景一絕，叫記者等重建後一定要去睇睇，仲要試吓倒轉睇，可以睇到傳說中嘅「Fairyland」（仙境）喎。

    跟住又撞到中銀國際董事總經理Sunny黃仲文，佢話有次同謝生坐的士，個的士司機唔肯載佢哋，佢心諗點解司機夠膽拒載，點知司機話領導人係咪微服出巡，簡直爆笑。Sunny仲話唔知謝生係咪同領導係用同一隻髮乳同埋髮型師喎。

    Money18 新功能「18好路數」為你預測心水股票升跌機會率

    謝湧海（右）話仙台嘅海景一絕，仲叫記者喺重建後定要去睇睇。左為黃仲文。