政情：傅明憲斥奸商危言聳聽
日本大地震，爆出核輻射外洩事故，震到人心慌亂，仲搞到內地、香港同澳門爆發「盲搶鹽」，誤以為可以抗輻射。尋日喺一個活動撞到Gigi傅明憲，講起近日市民瘋狂搶鹽，佢即時好激氣咁斥責好多奸商危言聳聽，仲話唔會相信有污染。
Gigi愈講愈火起，好勞氣咁話：「點可以話鹽防輻射？之後仲有人傳食屎可以防輻射，愈傳愈核突，啲人好折墮，如果食就好折墮。我信人在做，天在看，啲人應該廣結善緣，做壞事會受到懲罰。」
傅明憲講起市民聽到謠言後瘋狂搶鹽就好激氣。