政情：范太囡囡遊日遇地震
好多喺日本嘅港人都急急趕返香港，原來全國人大常委范徐麗泰愛女Stephanie范凌華喺地震期間去咗北海道旅行，前日至安全返港。話說喺地震發生後，范太為搵愛女心急如焚，點知囡囡個電話又打唔通，搞到范太擔心到不得了。
范太尋日出席香港友好協進會嘅活動時，講開日本地震，都不得不提佢愛女遊日嘅遭遇。佢話初時搵唔到個女都擔心，但Stephanie向來好有交帶，諗到媽咪會好擔心，所以主動發個電郵返香港報平安，范太一睇到立即放心晒，總算有驚無險啦！
范凌華（左）