政情：冼博德重整渣打韓業務

    • 渣打集團行政總裁Peter冼博德尋日抽空見傳媒，經過傳媒一輪激烈追問後，佢終於有機會抖一抖，事關尋晚渣打嘅舊同事聯誼會搞咗個聚會，佢都有參加，席間仲有個大家都好熟悉嘅重量級人馬─前主席戴維斯。

    講到戴維斯，大家定會記得佢任內嘅傑作，就係帶領渣打進軍韓國，收購咗南韓第一銀行（現稱渣打第一銀行），即時為渣打帶嚟重大貢獻。不過有指渣打尋日宣布關閉當地二十七家分行，唔通幾年唔夠，渣打就要撤出韓國？

    Peter解畫話原來佢哋只喺重整分行網絡，提供更佳嘅服務效率，部分關閉嘅分行因為地點冇咁理想，唔符合經營成本效益。佢仲話，佢哋會保持喺韓國嘅投資同業務，特別亞洲係其中一個有重要盈利增長動力嘅地區。

    Money18 新功能「18好路數」為你預測心水股票升跌機會率

    冼博德話關閉部分韓國分行係因為地點冇咁理想，唔符合成本效益。