政情：林建康組團考察愛沙尼亞
政商界最近掀起一陣愛沙尼亞熱，事關已故富商林百欣嘅養子Matthew林建康半年前獲委任為愛沙尼亞駐港名譽領事，前日該國駐港領事館開幕舉行盛大酒會，Matthew一班老友起哄要佢組團遊愛沙尼亞！
長實執行董事趙國雄就爆料話，Matthew計劃六、七月組團去考察，到時佢一定跟大隊去，因為佢二十年前去過一次，好想舊地重遊。
愛沙尼亞駐港領事館開幕，當然唔少得主人家同做過該國駐港名譽領事嘅林健鋒（左一）。右起為林建康夫婦、愛沙尼亞駐華大使Audres Unga、愛沙尼亞外交部副部長Alan Streimann。