梁漢文趁機戒煙

財政預算案宣布每包煙加10元煙稅，引起不少藝人關注，其中梁漢文希望趁機戒煙︰「其實我已經食少咗，因為太多地方唔食得，十幾年前試過戒咗3個月，老婆都愈食愈少，如果第日生小朋友都希望戒到！」而吳卓羲亦贊成加煙稅：「希望幫到人戒煙！我冇煙癮，只係開工攰用嚟提神。」

不過亦有煙民不滿捱貴煙，黃貫中說：「加到咁貴，不如立例香港唔畀賣煙囉！（買私煙犯法！）咁即係焗我戒煙啫！又話派6千蚊入落強積金戶口，我想問到我65歲時，6千蚊買唔買到一包煙呢！」填詞人梁栢堅則在微博留言︰「為何借刀殺『低收入煙民』？」而樂隊LMF鼓手Kevin Jai更爆粗︰「買包煙都四五十雞，最X貴。」

為小朋友着想，梁漢文希望做老竇前成功戒煙。（資料圖片）

吳卓羲自言沒有煙癮，所以影響不大。（資料圖片）

黃貫中認為加煙稅等如逼他戒煙！（資料圖片）