政情：政府轉軚棄用腦退化症
自從諾貝爾物理學獎得主、光纖之父高錕證實患上老人癡呆症後，大眾對呢個病關注咗，賽馬會耆智園亦發起正名比賽，希望搵一個新名取代癡呆症，務求更準確、更直接將病徵反映出嚟，最後選出「腦退化症」去取代，當時除咗獲政府支持，連高錕太太高黃美芸都讚改得好。
但正名事件峰迴路轉，政府突然轉呔，食物及衞生局局長周一鑊尋日以書面回覆立法會議員提問時話，癡呆症其實有好多種，各有成因同徵狀，腦退化唔係唯一成因，不足以反映呢個病嘅徵狀，講明醫管局、衞生署冇計劃用呢個新名，態度一百八十度轉變。