名牌月餅/乾

近年愈來愈多時裝名牌因應不同節日送禮，臨近中秋節，送贈特別包裝的月餅給品牌VIP及各方友好，款式更是花樣百出，跟其服飾同樣精彩及花心思。今年新加入陣營的I.T就一如其品牌一樣走型格潮路線，以1大8小Macaron組成一套如七星伴月一樣的中秋禮盒，七彩繽紛。至於名牌月餅始祖之一的agnès b，就推出新口味的玫瑰月餅。

講奢華氣派就首推殿堂級名牌Hermès同Fendi，前者一套三款月餅今年除採用傳統的大階H圖案外，更首次推出一款細階h圖案月餅，以配合品牌的全新petite h系列；後者則是近年流行的奶黃月餅，同樣飾以品牌FF標誌。未知農曆新年時名牌們會唔會出埋名牌年糕應吓節呢？

Sanna‧Senior Reporter

手作初體驗

由於近日經常要採訪不同手作產品小店，令自己對這方面的興趣亦大大提升，但無奈訪問時間太短，每次都是「有得睇，無得玩」，幾經辛苦終於畀小記遇到大展身手的機會！話說在出席美容品牌PATYKA活動時，席間竟然準備了餐紙巾玻璃碟手作體驗，只需選出自己喜愛的餐紙巾，短短幾分鐘便製成充滿法式風情的作品，仲可以畀我過吓手癮，如果以後Event都有類似活動，記招出席率一定會爆燈！

Alex‧Reporter

飲恨的演唱會

請別再說記者有甚麼特權，事關20號是小記心愛的韓國組合Big Bang演唱會門票開賣的大日子，售票網的線路早就爆炸，電話就更加不用說，打爆都係Jam線，甚至有朋友通宵排了一晚都買不到最貴的門票，真係氣死我也！雖然大會決定加開12月10日的場次，但貶下眼又賣晒！惟有托上托，拜托周邊的朋友幫手買啦，感覺仲難過中六合彩啊！

Yilam‧Reporter

好玩派對

所謂畀面派對，通常是不得不去，但一定要去嘅應酬活動，不過「請得郁」我去嘅，我是絕對抱着愉快的心情。

好似LCX早前搞十周年開幕Party，由於同公關小姐K 關係友好，所以即使Day Off 都要去撐吓場。當日活動似嘉年華會：小丑派發氣球，即影即有拍照留念，免費供應棉花糖等等，但最吸引我，反而是整立體指甲，亦令我奉獻第一次，我對這種3D效果指甲實在太好奇，一定要試試。望着美甲姐姐細心幫我又磨又剪又銼，雖然本人欠缺耐性，但見她全神貫注工作，心裏卻又欣賞又感動，所以即使呆坐半小時都是值得。事後更大獲好評，抵番晒啦！

Amy‧Editor