肥媽勸吳綺莉 執靚迎第二春

藝人肥媽昨日接受吳綺莉（Elaine）電台訪問，分享與孩子相處的技巧，肥媽更不厭其煩提議Elaine打扮一下：「你要執番好個樣，溝吓人或者畀人溝，你差唔多時候要搵個人珍惜。」更叫Elaine要有心理準備迎接新戀情，Elaine則笑說：「其實冇話迎唔迎接。（卓林點睇？）佢OK呀！依家以朋友方式同佢相處，不過冇可能直接有大躍進。」問到多年來有否追求者？她說：「唔係冇，但要啱。（擇偶條件？）心地好，個女話對方錫我就得。」曾表示因壓力要看心理醫生的她，承認是自己要求，更會上堂學習如何正面消化壓力。