范振鋒搬竇Bob物業任揀

電台DJ范振鋒（Ricky）前晚擔任《仁濟醫院第48屆董事局就職聯歡晚宴》司儀，早前與鄰居發生爭執的他右眼眼白仍有血絲，問到事件進展，他說：「希望雙方都冇事，其實係一場誤會，大家又無仇無怨。（事發後有冇再見對方？）冇！（再見面會點？）或者點頭，總之以和為貴，可能我會講聲Sorry，件事自己都有責任，作為公眾人物應該要檢點。」他稱太太李思欣正積極物色新居，以遠離是非地，並在男親戚家暫住，以策萬全，提到好友林盛斌（Bob）願免租三個月風水屋讓他租住，他笑說：「間屋喺旺角心臟地帶，人好多，仲危險，佢有介紹好多地產畀我，佢好多樓，成十幾個物業，佢好似做咗地產經紀咁！」同場還有趙雅芝及老公黃錦燊、林建名及女兒林煒珊等。