東網電視
更多新聞短片現年67歲的姜大偉（John哥）前晚拍攝無綫劇集《公公出宮》時突然心臟不適，同場的黎耀祥、胡定欣及女婿曹永廉等見狀即停止拍攝，曹永廉鑑於外父數年前曾接受俗稱「通波仔」的冠狀動脈介入手術，更不敢怠慢，即時陪外父到將軍澳醫院檢查。姜大偉留院一晚後並無大礙，昨日已出院，昨日傍晚他接受本報電話訪問時說：「Check咗個心，報告話冇乜事，聽日（即今日）會再睇埋家庭醫生，始終做過『通波仔』，就算身體感覺冇乜嘢，都想穩陣啲。（拍劇捱夜辛苦？）都唔算，一日一組通告，十個鐘啫，我仲好多時返嚟拍兩三場就走，工作量唔算辛苦。」
而曹永廉昨日透過電話憶述事發經過：「當時見外父話個心好翳，我咪即刻陪佢去醫院檢查，驗身、驗血話佢身體冇大礙。」劇中飾演John哥女兒的林夏薇說：「John哥拍拍吓話個心唔舒服，大家好緊張，即刻停拍，後尾阿廉送咗佢入院檢查。因為我今日（即昨日）開外景，我都係打畀阿廉問番John哥情況。」監製羅永賢則表示會調動通告讓John哥休息。
