洪天明恨添女：再生揀性別

洪天明與兒子洪大仁（TJ）、鄭欣宜（Joyce）、梁漢文（Edmond）、陳嘉佳（小寶）及文頌嫻等昨日出席《「冰上動感 冰河世紀LIVE！香港站 長毛象大冒險」音樂劇》記者會，期間TJ玩紙碎又搶咪大嗌「Happy Birthday」，十分可愛！獲囝囝多番獻吻的天明父子倆近日感情昇華，他透露太太周家蔚預計五月初生第二胎，是次打算剖腹分娩，他又稱恨生女：「個仔大幾歲就唔睬我，女大啲都會拖手行街，個仔到十幾歲就會拖女友，唔再睬你，女會孝順啲黐家啲。（想追女？）會考慮，睇太太想唔想，如果再生我會揀性別。」Joyce亦自爆心郁想生仔，但必須先結婚，一切順其自然。而遭攝影師寸遲到的小寶解釋當日其母突然有事，已即時向劇組要求延期，惟劇組未與攝影師方面溝通。