東網電視
更多新聞短片林欣彤昨日出席活動時表示早前到菲律賓探訪，當地兒童的樂觀令她有深刻的體會，她更有意計劃下一站到非洲探訪，望與自己助養的小孩相見！
Mag表示愛游泳，而Alfred主要在室內跑步和健身。
組合As One現身運動會嘉年華。
林欣彤（Mag）昨晨聯同許廷鏗（Alfred）等現身運動會嘉年華，笑言並非「運動白癡」的Mag表示愛游泳：「但冬天難啲游水，所以放狗當做運動。」她又表示早前到菲律賓作慈善探訪，未出發前曾擔心到達當地後會忍不住落淚：「後尾發現開心多好多，嗰度啲人好樂天，宣明會同我哋講原來嗰度啲小朋友喺地震災後成日發噩夢，但佢哋日頭仲係表現得好開心，覺得佢哋好犀利同好可愛，希望唔好再有天災發生。」原來Mag一直有助養非洲小朋友，但未見過他，希望下次能到非洲探訪。
未Ready跑馬拉松
而Alfred透露平日有做運動，主要在室內跑步和健身：「好多Artist都有街外跑，但自己屋企附近多斜路，所以就少跑街外。」問到會否參加馬拉松？他稱未準備好：「都有啲朋友慫恿我，但我覺得仲有段距離，要畀啲時間我。」Alfred又透露新年到倫敦度假：「同一班圈外朋友去，順便脫離個圈一陣。（識到洋妞？）冇喎！反而見到有啲亞洲朋友認得自己，都有合照，估唔到過咗海都有人認得自己！」
音樂組
