佘詩曼前晚以總理身份坐鎮籌款騷，希望收Cheque收到手軟的她原來早於數年前已當上總理，但極度低調！而在熱播劇《天眼》以水着Look亮相的心姐，則豪言日後更見真章，又笑指有PA問她可否挑戰三點式：「我問番佢唔着好唔好！」
佘詩曼以國際獅子會腎病教育中心總理身份出席，希望收善款支票收到手軟。
欣宜、梁漢文、側田和呂慧儀等，前晚出席無綫節目《重燃生命慈善夜》共襄善舉。
陳明恩、張惠雅和裕美等在台上大跳懷舊舞。
胡楓（左起）、泰臣、謝雪心、欣宜、楊詩敏、陳嘉佳和鄧梓峰齊齊演出趣劇，笑料十足。
佘詩曼、謝雪心、呂珊、胡楓和陳明恩等前晚在將軍澳電視城出席無綫節目《重燃生命慈善夜》，其中的趣劇環節「值得可憐天下父母心」中，楊詩敏（蝦頭）、陳嘉佳（細細粒）和鄭欣宜「重量級」登場，令觀眾捧腹大笑，而陳明恩和裕美等在台上大跳懷舊舞，梁漢文和側田則攜手合唱。
新片預告34萬點擊
阿佘以國際獅子會腎病教育中心總理身份出席，更在訪問中坦言將身份低調處理已很多年：「其實每年都有捐款！（今年捐幾多位數？）哈！我冇計，今年啱啱先開始。」又希望收善款支票收到手軟，幫輕腎病病人洗腎的經濟負擔。
談到電影版《十月初五的月光》預告片點擊率高達34萬，她大呼興奮之外，更透露月中會繼續到澳門拍攝：「都係一個集體回憶，我開工前都睇番晒成套劇，拎番嗰個感覺。」她又稱不怕被觀眾比較：「依家演技一定好過嗰時少少。（再嗌初哥哥好尷尬？）咁又唔會！」
至於有份演趣劇的謝雪心笑指自己手執雞毛掃見人就「弗」，她說：「修哥（胡楓）啱啱先話大嬸你唔好再弗我，我連修哥都弗，怕未？」談到無綫劇《天眼》中她有激罕水着Look，她即笑說：「啲朋友話出咁少，我就話你追住《天眼》啦！（仲有？）你敢睇我敢有，嗰時先係正式！」
謝雪心拒着三點式
問到監製叫她着泳衣時有否擔心？她反而指自己最怕凍：「我第一時間話凍，可唔可以暖啲先至拍？」又透露拍攝時氣溫有三十幾度，鄭嘉穎等演員因着西裝而汗流滿面，心姐說：「我就一路游水一路向佢哋單眼，寸佢哋。」更指有助導搞笑問她可否着三點式：「我問番佢唔着好唔好！傻仔！心姐點會着三點式，Deep V都得嘅！」
影視組
