SUN世代：言教不如身教學習父母拚搏
Vicki是名副其實的女強人，原來她拚搏工作的性格，是受父母親影響。「爸爸同媽媽都係企業家，佢哋相信言教不如身教，兩個都好畀心機做嘢，一年三百六十五日都喺工作，擁有無限嘅堅持同毅力！我細細個就睇住佢哋勤力做嘢，為理想奮鬥，係一個好正面嘅榜樣！」
Vicki協助打理家族生意超過十載，最令她感到難忘及成功的，是一次珠寶展的經歷。她憶述：「嗰次珠寶展，我做咗一個冇行家做過嘅新嘗試，就係請咗兩個當時最火熱嘅top models喺我哋嘅攤位度示範珠寶，令成個展覽多過一半人都湧嚟我哋度，而第二日傳媒嘅反應都好好！當時我只係啱啱畢業，第一個嘗試就成功，係我事業中最美好嘅回憶！」
Vicki（中）大學畢業，父母弟妹齊出席其畢業禮。
Vicki（左）率先邀請名模示範珠寶，創業界先河。