政情：Jocelyn結婚周年收鑽戒
「翻版關之琳」Jocelyn Luko同老公Anthony Sandstrom夫妻檔拍攝Forevermark婚嫁系列廣告，適逢六月七日係佢哋結婚三周年紀念日，Forevermark為佢哋送上一對價值三萬元嘅鑽戒。Anthony透露當日將同Jocelyn喺香港某酒店慶祝，揚言會畀佢一個驚喜！問到生育計劃時，佢哋異口同聲咁話依家以工作為先，可能三年後先生兒育女。
Jocelyn仲話：「我好開心遇到Anthony，我同佢有相同嘅價值觀，做慈善工作有佢同我一齊，做咩都容易啲！」二人更情不自禁當場親嘴，非常甜蜜！問Anthony對Jocelyn嘅愛有幾深？佢笑言：「就算有一條識噴火嘅龍喺我面前，為咗保護佢，我都會拎起把劍戰鬥！」
老公單膝跪下為Jocelyn戴上鑽戒，非常甜蜜。