政情：「孖膶腸」梁朝偉涉侵權照
曾華倩近日喺其微博轉載咗一張梁朝偉喺電影《東成西就》嘅經典孖膶腸造型被某玩具商盜用嘅照片，梁朝偉突然成為玩具嘅代言人。一度以為係惡搞合成相嘅華倩得悉係侵權照後，好愕然咁話：「我冇放大仔細咁睇張相，如果件產品真係將咁經典嘅造型做商業用途，咁真係有侵權問題。我身為藝人都覺得應該保護自己肖像權。」佢更笑言自己只負責轉載，未知係咪要負少少責任，又話如果梁朝偉追討成功可以分少少畀佢添！
梁朝偉經理人公司澤東嘅發言人就話有睇過相關照片，仲話：「張相涉及兩個版權，一係梁朝偉肖像權，二係套電影嘅版權。我哋依家諮詢緊律師意見，如果確實侵權嘅話一定會追究到底。」
梁朝偉突然變成玩具代言人。