「一姐」Kay自嘲海鮮價
謝安琪（Kay）昨日出席愛滋病活動，對於本報披露她獲金牌大風挖角，吳雨霏（Kary）則以500萬簽3年轉會環球，Kay說：「娛樂圈真係多新聞，我同環球合約仲有一段時間，冇咁快。（金牌聯絡你？）未聽聞。（傳金牌用7位數簽你做一姐？）咁犀利，係一個利好消息，覺得自己係海鮮價，一時話我唔值錢，一時就咁值錢，得啖笑！（傳Kary加盟環球？）未知，歡迎佢加入我哋大家庭。公司男多過女，多啲女仔更開心，男仔多要搵配搭冇得揀，多數都係我。」
她坦言不擔心被分薄資源，環球歌手雖冇得亮相無綫，但她說：「我工作好多，我上電台或電視台，去邊間分別都唔大，對我唔係好大影響。（李克勤話買無綫廣告？）都正喎！但佢有錢嘛！」
Kay以青少年愛滋中心大使身份，跟中學生欣賞愛滋病電影《在一起》。