苟芸慧撻着港男譜姊弟戀
獨自留港發展的「華姐」苟芸慧（苟姑娘），數月前與年輕四年的「港男」羅天宇譜出姊弟戀。日前他倆在西貢約會時，苟姑娘被拍得遭男友在耳邊偷吻，因而令戀情曝光，更被指經常到男友家過夜。
苟姑娘昨日承認戀情：「我哋剛開始，未好穩定，但既然曝咗光就有勇氣面對。（公司有壓力？）公司之前都知，但今晚會再同我傾。（鍾意天宇乜嘢？）鍾意佢蠢囉！但佢都係咁話我！佢個人好細心、識照顧我、心哋好，人又簡單。（有其他人追？）有呀！但覺得驚，同佢一齊就好舒服。（唔介意姊弟戀？）以前係一定唔會接受，但愛情係盲目，嚟到就控制唔到自己。（影響工作？）對做戲反而有幫助喎！因為個人感性咗。」因他們兩家是世交，又同是基督徒，問到曾否到男友的將軍澳寓所過夜？苟姑娘說：「冇咁嘅事，依家準備搬屋，男友嘅媽咪係我契媽，佢話留間房畀我暫住都唔想，唔想畀人誤會。」
苟芸慧與年輕四載的羅天宇譜姊弟戀。（資料圖片）