Jade完成年底騷即生仔
關心妍（Jade）前晚出席《全港關懷日本大地震慈善音樂會》時，否認因冇得入紅館開騷而跟星煥國際解約：「係完約唔係解約，係自由身，今年主力搞個騷，製作單位亦搵緊，多數喺年底舉行。」她自爆被老公催生仔，故完成個唱後即努力造人，問到今次個唱豈不是其告別演唱會？Jade說：「我唔可以肯定仲唱唔唱，亦唔知會唔會再出唱片，有人搵先算！（會生幾多個？）希望三年抱兩。」
而同場的戴辛尉和梁焯皓則宣傳合唱歌《恨就恨》，焯皓透露新碟將於下月三日推出，他會跟戴辛尉帶同新碟向已故的老師戴思聰鞠躬，但戴辛尉說：「好遺憾隻碟面世時佢已經唔喺度！」而同場的洪卓立對於有指日本將面臨另一次大地震時說：「點解唔預言好嘢而預言衰嘢，大家唔好聽咁多呢啲預言，萬一唔好彩發生咗，都要學日本人咁堅強！」
焯皓（左起）、Jade、洪卓立和戴辛尉出席慈善音樂會。