陳自強70大壽張曼玉紅姑齊祝賀

前日「金牌經理人」陳自強在尖沙咀舉行生日派對慶祝七十大壽，張曼玉、鍾楚紅、白雪仙、狄波拉（拉姑）、鄺美雲、英皇老闆楊受成與太太陸小曼、姜大偉與太太李琳琳、狄龍、何超儀等出席，星光熠熠。成龍、吳彥祖及古天樂因在外地未能到賀，但成龍預早送上蘭花及致電賀壽。

少有露面的紅姑身穿藍色露肩連身裙，雖不願受訪，但也報以燦爛笑容，十分親切。張曼玉則由外地趕返港，戴黑超、穿黑衣襯牛仔褲的她，外形Cool爆，見到傳媒顯得有點抗拒，直至陳自強親自迎接才展歡顏，兩人繼而相擁問好，陳自強說：「佢由世界另一角飛返嚟，我好開心，你哋再問，我會喊o架喇！」曼玉更細訴與陳自強的難忘事：「我細細個十九、二十歲已經識佢，佢教我好多嘢，好似叫我唔好買咁多衫，自己都收斂咗，今日無論如何都要出席。」陳自強最近在電影金像獎獲「專業精神獎」，問到曼玉有否致賀？陳自強搶答：「呢個女就算去到邊都會SMS恭喜我。」

而早前傳患癌的李琳琳不願受訪，但精神狀況不錯，問到身體情況？她說：「多謝關心，今日我唔係主角。」