超性感 吸血鬼女王
日本動漫好鍾意以西方吸血鬼作為故事題材，好似今次介紹呢個吸血鬼女王米娜．柴佩西嘅首辦模型，就係人氣動漫《吸血鬼同盟》（Dance in The Vampire Bund）嘅女主角喇！
呢套成人動漫吸引嘅地方，在於米娜識得變身。原來米娜平時只係一個無乳級嘅萌系女生，但當佢變身成吸血鬼女王時，就會脫胎換骨，成為身材激凸嘅索女。
至於呢個米娜首辦模型，其造型就係取材自變身後嘅形態，除咗蝙蝠翼完整無缺之外，佢身上嘅衫褲鞋襪都爛晒，剩餘嘅衫布僅僅遮掩住重要部位，誘惑度極高！但咁都未止，大家仲可以將米娜身上僅餘嘅衫布除落嚟，兩點盡露，嘩！想引死人咩！
全高： 約280mm
售價： ¥17,640
（約HK$1,676）