下巴瀉 性事大膽
有啲囡囡做嘢唔經大腦，話做就做，成日都碰到一鼻子灰，如果大家有留意佢哋嘅面相，原來有好多都係下巴短短，而且有少少向內瀉，有呢種面相代表佢哋思想簡單，想做就去做，而且一做就義無反顧，絕對唔會半途而廢。
但可惜佢哋行事前缺乏三思，令失敗嘅機會大增，如果到咗晚年都仲係咁，晚運就會比較差，冇乜子孫喺身邊，好大機會一個人孤獨終老，但如果晚年時下巴變得又圓又大就另作別論。
感情運方面由於做人比較衝動，所以特別喜歡激情，為人敢愛敢恨。但由於成日做錯決定，所以就算識到好男仔，最後都會因為小事而分手，一輩子感情運上都係兜兜轉轉，好難有一段感情比較長久。性慾方面特別主動，而且乜嘢新招式、新地方都願意嘗試，有時喺性事上嘅大膽程度，連另一半都怕咗佢哋。