CP3到港最想悠閒歎世界！快艇星級控衞基斯保羅（Chris Paul）昨日旋風式襲港，雖然行程極為緊密，但CP3昨晨仍捱更抵夜，收看巴西對德國4強大戰的直播。CP3又表示每次來港行程都十分匆忙，希望日後有時間可以再臨好好享受假期。

親自落場獻技

基斯保羅

基斯保羅在月初亞洲「Flight Tour飛翔之旅」連踩北京、上海兩站後，前日終於到達壓軸的香港站。這位超級巨星昨日短暫停留一日，早上接受傳媒訪問時看來有點疲倦，笑言未適應時差之餘，更晨早起身睇世界盃：「我都有睇世界盃，今朝4點仲特登起身睇巴西對德國成場波添！」

對於巴西大敗收場，他亦表示賽果出乎意料。由於CP3本身是超級體育迷，美式足球、高爾夫、保齡球等「樣樣精」，美國隊在今屆世盃表現出色，令全美陷入世盃熱潮，CP3自然不例外跟足全程。

基斯保羅今次帶同老婆Jada到港，昨日前者受訪時，Jada便去了酒店附近的商場為一對子女購物。CP3慨嘆每次訪港都極為匆忙，未能體驗香港文化，令他更想在日後找個機會再臨好好旅遊一番：「尋晚我同老婆講好想再嚟呢個城市，花啲時間好好感受呢個地方。我之前嚟嗰幾次都幾匆忙，但係都好Enjoy喺香港嘅時間。」

寄語年輕球員 鬥心主宰成就

10月底開打的NBA新球季，將會是CP3踏入NBA後的第10個球季，然而他仍未滿足現狀，希望繼續「長大」：「加入NBA嘅改變真係好大，成個生活Style都唔同晒，令我長大得好快。不過無論係籃球又好、家庭都好，我認為自己依家嘅責任更大，應該要更加成熟。」

CP3最後寄語香港的年輕球員，身形不等於一切：「其實打籃球高未必贏晒，我成日同人講，只要籃球架高度維持喺10呎，我都可以打得好好，有樣嘢唔能夠以數字量度嘅，就係你嘅鬥心，鬥心亦主宰你嘅成就。」