深夜時分，運房局局長炳炳喺街度同市民四目交視，市民拔足狂奔，炳炳擔心有事發生，就追上去睇吓發生乜嘢事。
市民︰鬼大爺，求你放我一條生路喇。
炳炳︰我係人，點會係鬼？
市民︰港鐵係咁加價你都唔理，你哋仲唔係「吸血鬼」？
炳炳︰先生，我唔係吸血鬼。
市民︰你唔係吸血鬼，就肯定係「衰鬼」。
炳炳︰此話何解？
市民︰仲要問？港鐵成日出事，仲唔係「衰軌」？
炳炳︰……其實都係加得一個幾毫，本是同根生，有咩好怕？
市民︰係喎，大家都係鬼，有乜嘢好怕，就等我呢個「窮鬼」同你死過！
炳炳︰@#$$%%^^
第一手消息請下載on.cc東網李衞
