食環署署長群群，見有市民個樣谷住谷住，上前問吓發生乜嘢事，誰不知就換來市民嘅連珠炮發。
群群︰先生，見你個樣咁辛苦，發生咩事呢？
市民︰好唔暢通呀！
群群︰谷住無得出係慘啲喇，食多啲蔬果啦。
市民︰店舖阻街，條路唔暢通，食乜嘢蔬果呀？
群群︰可能通菜幫到你呢……
市民︰仲要講？仲唔即刻執法，掃乾淨條街？
群群︰係！立即做嘢！（群群狂買街邊小食，大快朵頤。）
市民︰你又話做嘢，做咩喺度食嘢？
群群︰唔係你叫我「掃街」食嘢咩？我依家咪跟你指示做囉。
李衞
第一手消息請下載on.cc東網
