高永文（右）撈魚網穿窿，一條金魚都冇。左為何俊賢。
等了又等，市民尋日終於有新鮮雞食，之前為本地活雞搞到一頭煙嘅食衞局局長高永文，一日走四場活動，期間聯同立法會漁農界議員「高佬賢」何俊賢出席活動，一齊玩撈金魚遊戲，點知疑手震震，撈魚網穿窿，一條金魚都冇。
高永文尋日連走多場活動，凌晨四時出動撲入打鼓嶺檢查站視察活雞供應，之後轉至東涌主持一個步行活動開幕禮，其後再去大埔出席冬日慈善行活動，期間高永文同高佬賢同市民玩撈金魚遊戲，雖然高永文表現興奮，點知撈金魚紙網「得個窿」，一條金魚都無，好在之後有市民送上「魚獲」要求合照，先唔使空手而回。
第一手消息請下載on.cc東網
