城中鏡：鄧宣宏雁呻香港難泊車
愛沙尼亞駐港名譽領事Matthew林建康同太太黃寧艷亮相Rolls Royce一百一十周年晚宴，擁有多部名車嘅Matthew話：「我諗等年紀再大啲先買，不過今次喺度都想睇吓啲款式，聽講今次有人造元素加埋入車款度，想了解吓。」
鄧鉅明同太太鄧宣宏雁盛裝到場。
同場又見到太子珠寶鐘錶主席鄧鉅明同太太鄧宣宏雁，鄧太話早喺一九九八年考獲車牌，又話：「以前揸車叻啲，不過都係喺大陸揸多，其實大陸難揸過香港，因為香港冇咁多單車，不過依家揸唔到啦，第一係我唔熟香港啲路，仲有係泊車好難搵位。」佢更自爆往時嘅驚險經歷：「我試過畀人爆車嘅玻璃，偷晒我車上面嘅裝飾品，架車仲要係停喺我樓下咋。」
