City Parade：法式時尚
時尚界神級人物駕到，為一個法國奢華品牌的首間香港男裝及女裝旗艦專門店揭幕。品牌創作總監Alber Elbaz喺時裝舞台上「點衫成金」，加上圓碌碌可愛身形，令粉絲大愛，得知佢大駕光臨當然蜂擁「朝拜」。法式風情停不了，一個悠閒的下午，逾三十位城中名媛淑女雲集中環一間時尚餐廳，一邊High Tea，一邊細味法國尊貴護膚品牌帶來的美肌新體驗。
護膚品牌活動：靚得健康
世界著名男高音莫華倫太太莫邱文伶擁有一身蜜糖膚色，靚得健康。
交換心得
講起扮靚經，五位美女傾唔停，左起名模陳祉妤、貝安琪、富豪邱德根孫女邱詠麒、邱詠賢及公關公司老闆周美鳳。
心繫雙親
雅安大地震，名媛榮雪梅（左）致電慰問成都的雙親，幸他們無恙，前亞姐羅霖（右）都為佢鬆口氣。
服裝店開幕禮：與友到賀
上海灘創辦人鄧永鏘女兒鄧愛嘉（左）一身潮人打扮，與友人Christopher Owen（右）齊到賀。
一睹風采
名模馬詩慧（左）帶囡囡王曼喜（右）睹大師風采。
恩愛撐場
喺長白山天池雪山拍戲返港嘅影星任達華（右），甫落機就陪太太琦琦（左）出席活動。
潮流指標
喺社交名人郭志怡（左）和髮型師Kim Robinson（右）身上可嗅到潮流氣味。
喜遇大師
電眼美人李美鳳（中）巧遇品牌創作總監Alber Elbaz（右），與男裝設計師Lucas Ossendrijver（左），當然要請教換季心得。