SUN微博：打橫嚟講：又一單無人負責的鑊氣
先旨聲明，本人對消防員極之尊重，尤其是前線人員，深感敬佩，視為偶像，但那些高層囉喎，唉……
消防處高層愛重資買嘢，卻常鬧笑話（其實係悲劇），唔係不耐熱的制服，就係不防火的手套，又或是不靈光的通訊器材，甚至話無錢添置新的救火設施，林林總總畸怪事，久唔久就爆一鑊。
二○○八年，消防處已豪花七千幾萬買過水壓不足而唔合格的消防車，因射水能力仲渣過BB仔屙尿，都唔知佢哋訂貨前的決定，係有乜準則，點判斷的？中間，有乜景轟呢？
最近，又一鑊，就係用咗七百五十萬購入一架新型流動指揮車，咁簡單嘅小事，又有鑊氣，呢架新車兩個月前運抵香港後，至發現不能在街上走動，原因？係消防處要求該車加裝嘅會議室同洗手間，令車身超重同太闊，未符合香港道路行駛法例。消防處將舐嘢責任，推落機電署身上，話撰寫採購標書時，曾徵詢機電署，而機電署表示，卻話買車回來，需改裝符合香港法例要求，也不罕見，即是，佢倆無孭鑊，但，我們卻要問，做乜要架車特登加個廁所畀高層方便方便咁急用呢？真係蠢人多屎尿？佢哋又話參考過海外大城市同類車輛的設計喎！喂！大佬！人哋條馬路係八線行車的，好闊o架！你呢架「大笨象」巨無霸咁大，連上斜都危險過人，有無諗過o架？好學唔學，學大陸崇洋之餘，又愛假大空。呢鑊嘢，有無人要負責先？請問！
次文化考古學家，對城中潮語有深入研究，博徵博引，廢官廢人行埋一邊。
就係敢爆：是誰染紅自由花？
讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！
email：sunweibo@opg.com.hk
